屋企出巿中心架巴士已續連續一星期脫班，朝朝食風二十分鐘都算（起碼無佐兩班，本身係八至十分鐘一班），一遲二十分鐘，下一班本身已經唔跟時間表既接駁巴士就一定會更遲，除非暴雨，我都會寧願行二十分鐘返學費事等運到。（拾接駁巴士只要行兩分鐘。）
咁上個星期每朝既交通時間就由四十五分鐘變成差唔多一小時十五分鐘。
星期一，係最需要早返到學校，因為有職員早會，同大量老師印教材。
另外，遲成三十分鐘，唔止印嘢長龍，更重要係水果就會俾人攞晒，我好少去買餸，所以早上教員室既水果係我既水果補級站。我已經成個星期無水果食。
我試過早十分鐘出門口，稔住搭再早一班，點知都係要等二十分鐘，因為佢跟本就無跟個時間表。
我附近真係得一架巴士，地鐵好唔方便又貴又要行二十五分鐘。而且地鐵又係得一班，等緊時有乜事又係無得轉路線。
上個星期五日有四日都因為交通每朝都勁趕。投訴又一啲用都無，真係好討厭。
巴士脫班問題係嚴重到我同一整等巴士既人會吹水講架巴士廢。其中一個傾得最多既女仔，我話我明知無用都忍唔住寫電郵投訴，佢話：me too. it is…
