今日係第二日老師罷工。(一如以往,我遲佐無數日先寫完呢篇——第三第四日罷工都發生佐嘞。)
巴士出乎意料咁順利,七點十二分已經返到學校,上次個數學老師已經喺門口派傳單,得一個人既picket line。
因為係數學老師,我無聊咁稔:一個人既picket line算唔算係line呢,應該係picket dot。
我同佢打招呼,佢問我係咪香港過黎。我話係啊。佢問我係咪因為政治原因過黎,我話係,講佐少少我喺大學做嘢同香港情況。
佢話佢去佐好多香港人搞既遊行,好支持香港,佢連羊村事件都知道。我多謝佢咁支持,佢話某個國家既獨裁,所有人都應該要做啲嘢。呢個時候,歷史老師都出現埋。