我做LSA既時候每日都有一堂我係要變身做老師，所以都要罰學生留堂。我既經驗係，罰男仔留堂，佢哋轉個頭都會同你做friend，但係罰女仔留堂，佢哋真係記好耐。
最深印象係我教中二時，聰仔一入課室無耐就忽然大聲叫喺佢後面個小奇（有過度活躍症）「shut the fxxk up」，因為小奇係佢後面依依哦哦唔知講乜。
好老實，小奇真係超級抵鬧，佢喺課室都真係樹敵無數，我有時心入面都好想叫佢「shut up」。不過，作為老師，都係要罰講粗口既聰仔留堂一小時。咁當然，我都警告佐小奇。
補充資料：我間學校，一堂入面收三次警告就要扣操行分兩分留堂一小時，有啲學校係兩次就留堂。不過講粗口係屬於較嚴重既行為問題，唔駛警告直接留堂。如果係用粗口鬧老師仲大鑊，扣操行分五分同即時去反思室一日。
