請先看上集：【IT9@B4】前傳 誤入Big 4（上）
交表後兩星期，同YY食飯，佢話聽講BBA人陸續收到面試通知，問我收唔收到。我說無，還說「Computer engineering真係太九唔搭八嘞，應該無乜機會⋯⋯」
食完飯無幾耐，就收到公司電話跟我約面試時間。
而YY沒有人聯絡他去面試。
（腦內響起 ♪ 未昐卻在手 ♪）
本來想取消面試，但想了很久，也不知如何可以禮貌地取消。反正面試是大學裏進行，不必特地外出，結果還是去面試算了。面試問甚麼我都忘了，只記得完全沒有關於會計的問題，感覺還好。
過了一星期，收到筆試通知，也是在大學進行，題目是Should universities merge or remain their own identities? （當年日記有記低，唔係無可能記得。）話說當年"King Arthur Li"話要將中大和科大合併，鬧得熱哄哄，幸好最後不成事。
身為學生會編輯委員會成員，對此題目自然非常熟悉，所以順利過關，收到通知要到公司跟Partner（合夥人）面試。當時我是白痴得連Partner是甚麼也沒有搞清楚，還在想，這公司的職位真怪。
但面試前幾晚我要和同學趕功課，又因為要騰空一天去見工，結果連續三天沒睡。於是，我拖著極度疲累的身軀，穿著極不舒適的套裝，喝了好幾罐雀巢特濃咖啡，長途跋涉到巿區去面試。回想起來，當年繼續面試只是因為不知怎樣說不去面試，又無理由亂面試做筆試⋯⋯真係好傻。
早了一小時到達公司附近，掙扎了一會，決定豪氣地去Starbucks點杯Grande Americano坐著休息一下。所以，現時見到學生堂堂tutorial拿著Starbucks，覺得他們真的很有錢。
面試時，那位合夥人還是問了些跟會計一點關係也沒有的問題，最記得其中兩題是問我怎樣看賭波合法化和娼妓合法化。我東拉西扯說了一堆正反雙方理據，再陳述一下自己的看法。
大概談了二十分鐘，感覺也差不多到面試的尾聲。合夥人問我：「你份transcript好似完全無讀過BBA，你喺大學一個同BBA有關既course都無take過？」
我：「唔，因為我副修哲學，就算所有elective都㨂晒哲學，都要overload 25個credit，所以take 唔到BBA course 啊…我稔唯一一科同BBA有關既係Economics for Engineers。」
合夥人問：「咁你喺呢度開始時應該會好辛苦，工作時間可能會好長，你有信心嗎？」
我微笑著：「應該無問題。其實我已經三天無瞓過，你睇唔睇得出？」（很記得當時心裹其實是在冷笑，應該是幾罐雀巢＋Starbucks的咖啡因實在是太強勁了⋯⋯正常既我係唔會衝口而出反問面試官，而係會正正經經咁答佢。）
大概之前我的回答都有紋有路，合夥人沒想過我會反問，他呆了，樣子很好笑，我忍著。
然後，他沒有回答我的反問，就問我有沒有問題。我說沒有，雖然我很想追問他看不看出我三天沒有睡過，和為甚麼 貴公司會見我這個九唔搭八的IT人。不過咖啡因已消耗得八八九九，實在太累，只想早點歸去休息，所以作罷⋯⋯
回到大學，YY問我覺得in成點，我話：「應該唔得架啦，佢話我一個BBA course都無take過。」
（待續：誤入Big 4（下））
