Undergrad Year 3，即係讀學士最後嗰年，完全無打算過搵Big 4既工作。咁點解會入佐Big 4，仲要做到Manager先轉行呢？呢個問題間唔中都仲會有人問。
其實，喺報Big 4之前，我只係聽個Big 4呢個term兩次。
第一次聽到Big 4，係Year 2 升 Year 3 既暑假。
當時，喺投資銀行做IT Summer Intern，每星期都有Lunch & Learn。顧名思義，就係 Lunch時會有同事present，題目多元化，等我哋可以邊Lunch邊Learn。十幾年後，學佐乜一啲印象都無，反而仲清楚記得lunch係Pret A Manger三文治加一包薯片／大大塊曲奇。嗰時，喺大學成日都係左手揸住袋嘉頓生命麵包咬，左手揼code趕功課，公仔炒麵王已經係超級美食。見到高級既小龍蝦三文治，再配薯片／曲奇呢種咁古怪既組合，真係非常震撼。
當然，Lunch & Learn既目的係Learn，雖然唔知點解個Learn放後啲。做Intern就係要學嘢，所以，所有Intern（IT/BBA）都會去Lunch & Learn。因為我哋係分散於唔同部門，不單唔同樓層，甚至唔同大樓，Orientiation後，主要係靠Lunch & Learn見面交流下自己做佐啲乜。
有次Lunch & Learn， 主修BBA既Intern問：「你哋除佐In呢度，仲有無In Big 4啲internship啊？我想問下佢哋點In⋯⋯」(In: interview)
我心稔，Big 4？個名咁鬼怪。（當年以為Big 4係一間公司既名。）
另一個BBA Intern：「無報Big 4啊，咁辛苦。要做Big 4我就留返喺英國算數啦。」
另一個BBA Intern：「你咁有信心in到？我有報Big 4啊，不過呢度就出佐offer都未開始In，所以無In到喎。」轉頭問我同另一位IT intern：「你哋呢？會唔會報Big 4㗎？」
我話：「無啊，我淨係In佐X（晶片公司）同Y（做電子零件公司）。但係未Second In，呢度就出佐offer⋯⋯」
另一位IT intern 附和：「我都係見佐呢兩間啊。」
