當年在四大審計工作時，在我快要升Manager時，我一直在糾結要不要離開——其中一個原因是我沒法做一個自己討厭的人。
在四大工作，潛規則就是無限OT。嚴格來說，其實是ET，即食鐘(Eat time)，因為是沒有超時補水的。不過因為大家都知OT即ET，所以我們也說OT便算了。
說起來，我算好彩，我沒有食過很多鐘，我通常可以實報實銷的。甚至乎我工作幾個月後我有還時可以「賺鐘」：因為我會寫script去處理部份工作，有時「正常」要一日（即八個鐘）的工作我可以一個鐘內做好。後來我寫既script甚至可以重用，於是我幾分鐘就搞掂，做working paper（你當係report）又係幾分鐘搞掂，所以慳好多時間。
第一次遇到這個情況，我應該係正式開佐工一個星期。senior（化名M）話個task好趕，得一日做，掉低舊年個file叫我自己跟住做就消失佐——佢話自己要去同個客開會，不過，以我後來同佢「合作」既經驗，佢應該係蛇王居多。你幻想下呢個係你正式返工既第二個客，「老細」就咁掉低個file叫你一日做完，我心稔：「乜你咁睇得起我啊……你肯定我做得到？」
好彩我出第一個job個senior算正常，知我讀電腦就叫我有時間可以研究下ACL（audit command language），之後有用。ACL係俾auditor用既script，無乜讀過電腦既人都用到，所以對於主修計算機工程既我嚟講，要上手其實非常簡單，睇一陣就明。睇啲舊file，仲發現啲同事係明明可以一兩行寫完既嘢寫佐幾十行。同埋明明有啲同事因為唔識用ACL，仲用緊其他好慢既方法去處理，所以好多時預算既時間其實係多過實際需要時間好多（如果係寫script做既話）。
M走鬼佐，我望住舊年個file，見到上手印晒啲file出黎手計啲數——明明可以寫script做，咁我就試下寫script。結果唔駛一個鐘就做完，仲喺電腦開始砌working paper，兩個鐘就搞掂晒啲嘢，於是百無聊頼既我就好無聊咁喺度執靚啲template既format。
M到差唔多食飯時返黎，話同我去食開job飯，食完先繼續做，完全無打算問我有冇問題。我話我已經做完，佢皺眉：「有乜可能咁快？你有冇真係計過條數？」佢啲語氣好似覺得我「放飛機」，即係無做話自己做佐。
我解釋俾佢聽我寫script做，仲俾佢睇我點做——於是佢就塞埋自己啲嘢俾我做埋。咁作為一個新仔，我就梗係唔知啲嘢應該係佢做，仲白痴OT幫佢做鬼晒。於是佢就勁book我嘞。
後來做一個project，遇啲個好既senior（化名A），我自動波諗住做埋佢嗰份。
A：「吓，呢啲我做架喎……嗱，你可以睇個budget，呢樣工作係charge緊senior rate…
