最近大學要填timesheet，令我回想起在Big 4篤鐘食鐘的日子。
Timesheet，係一張用黎記錄你一星期工作時數既表格，記錄時數呢個動作，我哋叫做「篤鐘」。理論上一個星期做40個鐘，所以就要篤起碼40個鐘。但係鐘呢，就唔係實報實銷既，係要跟返個客傾掂佐既budget，所以無論你實際上做佐幾多個鐘，你都只可以篤senior/manager同你講既鐘數，而通常喺開job（做新project叫開job）之前，你就知自己呢個job總共有幾多個鐘。
做會計審計既同事，因為多嘢做，所以好多時一個客都做幾個月，一俾senior book就以月計，有啲大客甚至可以做成年，所以會計審計既同事唔係好駛理鐘既問題（好似係）。
