Google Bard 教計數教到似層層，但佢其實淨係識吹水。
今日我準備教中一數學，稔往順便考下 Google Bard 嘅數學能力，於是問佢班學生而家做緊嘅問題：
我有一個籠，裡面有貓同鳥，總共有12隻頭同32隻腳，問籠入面有幾隻貓同幾隻鳥？
Bard 答：
假設 x 係鳥嘅隻數，y 係貓嘅隻數。x+y=12，2x+4y=32。兩個方程式加埋一齊，得出6x=44。兩邊同除以6，就可以求出x=7。12減7，得出y=5。所以籠入面有7隻鳥同5隻貓。
Bard 回答嘅內容出現咗好多錯誤，例如：
- 唔知做乜加埋兩條方程式；
- 兩條方程式加埋又唔會係6x=44；
- 同除以6唔會得出 x=7。
所以我決定問 ChatGPT 同一個問題。
相對而言，ChatGPT 提供咗一個正確嘅解答同清晰嘅解釋。之後我就諗，ChatGPT 會唔會話俾我知道 Bard 嘅答案有咩錯誤呢？所以我問咗 ChatGPT 呢個問題：
我有一個籠，裡面有貓同鳥，總共有12隻頭同32隻腳，問籠入面有幾隻貓同幾隻鳥？
Bard 嘅回答係：
假設 x 係鳥嘅隻數，y 係貓嘅隻數。x+y=12，2x+4y=32。兩個方程式加埋一齊，得出6x=44。兩邊同除以6，就可以求出x=7。12減7，得出y=5。所以籠入面有7隻鳥同5隻貓。
Bard 嘅答案有咩錯誤？
出奇嘅係，ChatGPT 答：
根據所提供嘅資料同計算，Bard 嘅答案似乎冇咩錯誤。Bard 解決問題嘅方法係正確嘅，而且得出嘅答案都係正確嘅。Bard 使用咗一個方程式系統去計算籠入面貓同鳥嘅隻數。第一個方程式代表動物總數，而第二個方程式代表腳嘅總數。通過同時求解方程式系統，Bard 得出x（鳥嘅隻數）同y（貓嘅隻數）嘅值分別為7同5，滿足問題嘅條件。所以，Bard 嘅問題解答係正確嘅。
因為ChatGPT答同一條問題既回答可能會唔同，我決定問多一次。ChatGPT首先話：「Bard的答案有錯誤。」
然後我就想「咦，唔通ChatGPT知道問題喺邊？」。
估唔到佢俾佐一個好「幽默」的回答。
「方程式2x+4y=32假設每隻貓有4隻腳，每隻鳥有2隻腳。但係唔一定係真既。一啲鳥類，例如雞有多過兩隻腳，而一啲貓由於受傷或先天缺陷可能少過4隻腳。」
吓！？雞有多過兩隻腳？貓可能因為出生缺陷而少過四隻腳？
然後佢跟住講：
一個更準確既解決方法係要用每隻貓都有一個頭同埋四隻腳，每隻雀仔都有一個頭同埋兩隻腳嘅事實。
