以前訪問麥家碧（畫麥嘜的插畫家），問佢點樣寫麥嘜字，佢話：
其實做乜嘢都係咁，我哋要學既係態度，唔係技術。譬如你想寫小朋友字，你就要學習佢嗰種生活態度：
小朋友好矮，佢要貼住張枱去寫字，根本睇唔到個界喺邊。一寫，就出咗界。佢又睇唔到喎。寫寫吓，哎唷，錯咗喎，出界喎！咁點呢？佢又搵唔到擦膠，咁咪用口水捽囉。捽捽捽捽捽，哎唷，張紙穿喎，咁點算呢？咁又發Ti騰。
然後媽媽話：「算啦，飲杯嘢先啦！」咁就飲抔熱朱古力，一擺，就係杯印。然之後又捽，又擦，之後嗰啲一粒粒既污糟嘢啊，手指印啊，就全部喺張紙度。寫字又震顫顫，咁樣啲字就孿公蝦米。
因為當年校報要用書面語，而呢段真係無辦法原汁原味「翻譯」成書面語，靈機一觸，想像自己係一個K3小朋友，慢慢「貼住張枱」，用佐成個鐘咁鬥佐上面堆字出嚟，似乎真係work — 呢個方法我今時今日整教材要扮細路字都仲用緊 :P。
