上一篇：談咖啡（一）
大學畢業後入四大，因為本科非會計，所以要到理工大學上一個「三個月學好會計」的密集課程。當中Accounting for Strategic Management（其實早忘了，只是為了這篇文找回當年的簡報檔才知道……），講師第一天就說我們要做小組報告分析Pret a Manger。同組的兩位同學都不知道Pret a Manger。我雖然在Lunch and Learn吃過不少Pret a Manger，但從來未去過間餐廳。而且，當時對Pret最深的印象其實是來自媽媽。
話說有天回家，媽媽忽然問我知不知道有種咖啡是E 字頭，聽得我一頭霧水。原來那天上午，媽媽不知要到中環幹甚麼，因為早了很多，又碰巧經過Pret a Manger（其實她說的是Peter a manager，要不是她把紙巾拿出來給我看，我應該估不到她其實是在說Pret），於是便進去喝杯咖啡。
她見coffee那欄，懂的英文就只有coffee，於是就用手指了最便宜的espresso。結果咖啡師捧來一杯迷你咖啡，媽媽問為甚麼這樣少，咖啡師說espresso就是這樣，媽媽問可不可改要其他，友善的咖啡師說可以，還提議她喝cappuccino。媽媽說那杯cappuccino雖然貴一點，但大杯很多。
然後，咖啡師問：你想唔想試埋杯espresso？其實我哋都唔會要返…
作為一個百分百師奶，媽媽當然要。她說喝了一口，覺得太濃，所以最後倒埋入杯cappuccino…（自己加一個shot）
媽媽對於自己以一杯cuppaccino的價錢得到兩杯咖啡，感到異常滿足。到今時今日，間唔中都仲會提返起呢件往事，所以佢對Pret a Manger印象非常好。之後我都有同佢一齊幫襯過。
講返當年既三個月朝九晚六學會會計課程：五日半要完成一科UG level課程，最後嗰半日其實係考試，即係課程得五日，仲要包埋做功課小測mid term同group project等，趕到痴線，完全係幫我哋適應審計生活做好準備。所以，開新一科既第一朝就會知道晒有乜功課測驗presentation。於是，晨中流流就收到教授話要做Pret既SWOT analysis。
當時，電話仲未可以上網，我哋等到放飯，先搵到部有得上網既電腦查Pret開放時間——原來只係開到六點半。我哋六點先落堂，而且兩日後就要present，好彩近近哋既海港城就有一間，於是決定嗰日放學就去實地觀察。
本來做SWOT analysis，唔去過間餐廳，齋吹其實應該無問題，但係當年無Google map 無 open rice，佢哋食物賣錢我哋唔知，定位係點又唔知，連間餐廳係點樣都唔知，硬係覺得要去一去現場睇下。於是，我同groupmates落堂，即刻好豪咁由理工飛的去海港城既Pret。（當時仲未有糧出，得少少交通津點。）
