談咖啡系列上六篇：談咖啡（一）；談咖啡（二）；談咖啡（三）；【IT9@B4】百年難得一遇既筍job X 談咖啡（四）；談咖啡（五）#10YearChallenge；談咖啡（六）
「談咖啡」系列，估唔到會有後續。
去到英國，首先住阿妹度，佢有一部好勁既Sage The Barista Express BES875，佢話當年佢喺「黑色星期五」買，大約二千鎊，勁抵。
呢部機好好用，磨豆可以，出既espresso好飲，打奶仲勉強拉到花，可惜依家企硬五百幾鎊以上，同埋我依家租既房無一個穩陣既平面可以放到一部咁大咁重既電器，加上我鐘意飲齋啡多啲，所以我都係得閒去阿妹度玩下就算嘞。
喺香港走既時候，我本身係想帶埋個手沖壺，點知太大個，無位放，於是隨身只係帶佐個Hario磅，一個日本手做既瀘杯，同一袋瀘紙，稔住黎到英國買住啲磨佐既豆同求其搵個量杯當手沖壺頂住先，遲啲再寄個磨豆機同手沖壺黎。
點知依家香港咁，睇黎我有排先可以搞到船運，而且，依家份工太早出門口，我實在無辦法再早啲起身慢慢身沖一杯咖啡，結果，我回歸基本步，飲即溶。
去超級巿場搵即溶咖啡，好多款完全唔知點揀，於是就睇邊啲有特價，喺Saintsbury見到Lavazza做緊£3罐，稔住Lavazza都叫名牌應該OK掛……點知只係好飲過雀巢少少。
不過，因為學校只提供兩種即溶咖啡：
１）雀巢
２）雀巢decaf
雀巢decaf同雀巢一樣咁難飲，普通雀巢都仲話有咖啡因吖，decaf連咖啡因都無，職員休息室入面有菊花茶（唔係陽光維化嗰啲，係茶包既菊花茶）呢啲好飲好多既無咖啡因飲品，咁雀巢decaf既存在既…
