Member-only story
若要人不知 唔好當人低B — 有關抄功課
王心其「最近」文章提起抄功課，我先醒起三年前寫拖功課篇文提過會寫抄功課……
（呃，咁你仲好意思話人拖功課，我呢啲咪係五百步笑五十步囉。）
（然後，其實我寫寫下又再拖，所以已經唔係「最近」了。）
抄功課對中學生黎講應該係好少事。中學時代，我雖然無抄過功課，但係都有借過功課俾人抄。不過，我中學同學抄功課既方法去到大學都唔會出事既，因為大家都會堅守以下的原則：
- 集百家之大成——每題都抄唔同同學，務求無咁易俾老師捉到；
- 所謂抄都係參考，甚少會唔用腦直接搬字過紙。同學抄既時候見到你做錯會話返俾你聽。（高考有啲功課係計入高考分架好似，所以大家都好認真做。同埋做lab啲數據好難一模一樣，所以一定唔可以照抄。）
就算係中學時代既我，都知道抄功課唔可以「搬字過紙」咁直接抄。當然，中學又未有電腦所以都無得copy and paste就算，咁既然要手抄，順便改下啲句子都好make senses。
所以，到我喺大學教第一次教書，係教統計學入門既，見到有人抄功課真係完全唔用腦咁抄，我就會覺得好匪而所思。統計學入門係計數為主，大部份人都係手寫功課，同學們梗係以為take唔同tutorial就無人會發現，但係佢哋無留意其實tutor係同一個人，即係我。而佢哋錯埋啲一模一樣既白痴嘢，白痴程度好似係3X3之後變佐做33，仲要唔止一條係咁，我兩份卷中間改佐二十幾份功課都仲記得。之後一對，所有嘢都一模一樣。個sources本身一路都唔算高分，好心你要抄都搵個高分啲既抄好無？
不過因為只係一份5%既功課，所以老細叫我捉佢哋俾個warning同零分算數，唔想煩。
跟正式程序有幾煩？超級煩：
- 向負責呢科既教授報告
- 約見學生，如果抄文獻就約一個，如果抄人哋既功課就要約晒，如果係group project都係要約晒成組。
- 再向教授，部門，系甚至大學報告。
- 有啲學生又唔順氣之後會投訴你，做course evaluation全部俾最低分。
黑仔既我，教每一科都會有人抄功課。抄功課，大學叫plagiarism。中文叫「剽竊」。
「竊書不能算偷……竊書！……讀書人的事，能算偷麼？」（ 魯迅，1923）
以下係牛津大學既定義：
Plagiarism is presenting someone else’s work or ideas as your own, with or without their consent, by incorporating it…
