剛剛想叫Siri 計時,叫了句Hey Siri,Siri回應了一句,同時 Google Assistant也插咀:
搞乜鬼我又唔係叫你……
有時真係想熄佐個咪,因為硬係覺得俾Google同Apple咁樣長期偷聽好危險。但係我真係好需要問Siri同Google Assistant幾點,天氣點,同叫佢哋計下時或者提下我做嘢。
碰巧昨天和同事食完午飯一點幾,經過地鐵站,入面傳來越來越強勁既歌聲「愛已是負累 相愛似受罪 心底如今滿苦淚……」,原來迎面一位伯伯提著一個小形擴音器,和大家分享自己心愛的歌曲。
「舊日情如醉 此際怕再追 偏偏癡心想見你……」
聲音暫弱,但我腦內的播音器卻已被啟動。我說:「死我個腦開始loop首歌。」
同事甲:「係喎首歌好熟叫乜名?」
我:「等陣,我要loop到嗰句先記得個名喎。」
同事乙:「乜歌黎架?我都未聽過……」
同事甲:「咪扮細喎,點會無聽過啊?」
我:「咁我都係屋企人成日播先聽過啫。首歌係偏偏喜歡你。」
同事甲:「邊個唱架?」
Google 下,找到是陳百強。為了找找陳百強和陳百牆有沒有關係,又wiki一下他。
同事甲:「咁search法一陣成個facebook都係啲舊歌video啊。」
同事乙:「其實人哋話facebook成日偷聽我哋講嘢,我哋講佐咁耐唔search都應該出事啦。」
我:「咁我本身都有聽開舊歌既,有都唔知關唔關事喎。咁啊……李私煙啊……屈泳言啊……」
三點幾,我收到蘋果動新聞既「李私煙繼兒動武」。
有無咁邪啊……
(雖然同偷聽無關係,但係李私煙無佐消息好一排啦……)
今日繼續有「繼兒動武」,好彩未有「屈泳言」……
Facebook有冇偷聽我真係唔知,我好早就Disable佐Facebook收音既權限,而我又真係無試過Facebook廣告同我講既嘢有關。但係我有朋友話試過而佢都Disable佐Facebook收音既權限。
至於Google同Apple,我暫時真係Disable唔到佢哋,結果就係為佐方便而樂於被偷聽,其實值唔值得呢?