續上回：移居英國雜記(8)／紐約回憶：Craigslist 租房歷險記
同上一次去紐約只係做年半嘢唔同，今次係移民，所以搵地方首先要稔既係租定買。
租定買？
我本身係稔住買既，因為覺得租好似幫人供樓咁，有啲唔抵。我本身都有少少積蓄，如果好似喺香港咁，住返喺大西北咁既偏遠地方，其實都夠錢買到一個studio或者細單位。買到合適既地方，咁就可以跟自己既稔法去裝修，感覺會屋企好多。
不過，因為倫敦啲交通真係差過香港，鐵路成日有問題，我又未可以揸車住，住偏遠地區有乜事都幾頭癢，分分鐘工都返唔到，咁就有少少麻煩。同埋，到真係稔要買邊一個偏遠地區時，又覺得買一個從來都無住過既社區有啲啲冒險。
