續上回：移居英國雜記(8)／紐約回憶：Craigslist 租房歷險記
同上一次去紐約只係做年半嘢唔同，今次係移民，所以搵地方首先要稔既係租定買。
租定買？
我本身係稔住買既，因為覺得租好似幫人供樓咁，有啲唔抵。我本身都有少少積蓄，如果好似喺香港咁，住返喺大西北咁既偏遠地方，其實都夠錢買到一個studio或者細單位。買到合適既地方，咁就可以跟自己既稔法去裝修，感覺會屋企好多。
不過，因為倫敦啲交通真係差過香港，鐵路成日有問題，我又未可以揸車住，住偏遠地區有乜事都幾頭癢，分分鐘工都返唔到，咁就有少少麻煩。同埋，到真係稔要買邊一個偏遠地區時，又覺得買一個從來都無住過既社區有啲啲冒險。
而且，我依家份約只係去到七月，而且又未開到工，根本就唔肯定學校會唔會續約。我依家間學校係近東南喺邊，好自然就會搵東西邊偏遠地區，萬一搵過份工間學校係西北面既話，要由大東南去西北都幾頭癢，所以稔下稔下都係決定租先，flexible 啲，到遲啲到真係settle down，稔清楚喺咪真係住倫敦，繼續做嘢定進修，同體驗多少少倫敦既交通程況等先再買。
咁稔法，租金都唔係淨係幫人供樓既，可以當係體驗唔同既社區，同埋留返舊買屋既錢用黎投資好彩既話都會有少少錢賺既……（不過要交稅 0_0）
租邊同點租好？最大問題：租幾多錢好？
雖然話錢解決到既問題就唔係問題，但係稔用幾多錢去租屋，錢本身就係問題既根源。
稔租幾多錢，咁就要睇下依家個租巿其實係點。於是我去英國比較多人用既rightmove.co.uk同zoopla.co.uk睇租盤，結果大部份可以一個鐘內返到學既一房apartment同studio都要£1k一個月，住得近學校無£1.5k根本無可能。仲未計燈油火爉同最貴既concil tax（£1.x k一年）啊。
我依家既人工扣埋稅同供pension之後都唔知有冇£1k（希望有啦，我其實仲唔係好知啲稅同pension點扣啊。）
當初計劃黎英國，認真咁計過，自己其實唔做嘢一年半載都可以生活，租豪啲一兩年亦都無問題。
於是，我就忽發奇想，不如試下住近啲巿中心，因為住太遠咁唔方便，我一生人其實真係浪費佐唔少時間喺交通啊！
但係，到依家真係要租，我又真係無辦法豪租啊。我稔我本身就係好鐘意慳錢，可以洗多啲同真係俾自己洗多啲係兩件事。某程度上，就係因為我呢個俾唔到自己洗多啲既壞習慣，我先可以儲到啲錢令我可以安心咁黎英國——就算當年賠佐三十萬離開Big 4，做全職學生交學費讀張postgraduate certificate，再讀四年研究做廉價勞工……
