行政長官也是工作經驗
政務司司長也是工作經驗
財政司司長也是工作經驗
律政司司長也是工作經驗
教育局局長也是工作經驗
勞工及福利局局長也是工作經驗
保安局局長也是工作經驗
運輸及房屋局局長也是工作經驗
食物及衞生局局長也是工作經驗
商務及經濟發展局局長也是工作經驗
教育局局長也是工作經驗
公務員事務局局長也是工作經驗
政制及內地事務局局長也是工作經驗
民政事務局局長也是工作經驗
警務處處長也是工作經驗
所有工作都是經驗，但有些工作比其他工作更是經驗。
(Ref: 香港特別行政區主要官員)
This comment is so inappropriate on so many levels that I don’t even know where to begin…（呢句嘢離譜到九彩我都唔知可以點講，我default要爆就會轉台講英文，唔知點解。）
真係拍得住郊野公園食外賣。好心佢哋唔好出黎講嘢好過。
幾個月前請研究助理，好多求職者既履歷都好勁。其實求職者既履歷一向都好勁，又dean list又scholarship又internship又exchange咁。不過我估今年因為COVID-19，多佐好多本身喺外國讀書正常會喺外國工作既學生求職，同時亦有啲中年人好明顯係因為裁員而嘗試搵份工。
話晒「研究助理也是工作經驗」。
睇佐咁多年履歷，好多大學生既履歷都係有做快餐店，咖啡店同戲院，包括啲scholarship人，亦有啲係working holiday去種田咁。「洗碗也是工作經驗」，年輕人一直都知，你估個個好似你咁身驕肉貴啊？係，大家都唔夠你咁多「工作經驗」嘞。
不過，你咁多「工作經驗」又點吖？依家你哋禁堂食，搞到飲食業就死，邊有碗洗？就算要請洗碗，你估老闆會幾願意請又dean list又scholarship又internship又exchange既年輕人啊？當年SARS畢業，我好好彩（或者唔好彩）未爆之前搵到份工。但係當年身邊好多同學都搵工搵得好辛苦，有啲同學想做飲食都搵唔到工。
算啦，我呢啲無乜「工作經驗」既都係唔會明你哋呢啲咁有「工作經驗」既人稔乜架嘞……
