老師：「今日雲姐姐喊啊，好大雨啊，你哋知唔知係乜野暴雨警告啊？」
小朋友甲：「黑色！」
小朋友乙：「唔係啊，黑色暴雨我就喺屋企瞓懶覺啦！」
幼稚園生日會，生日的小朋友自備生日蛋榚。
一個小朋友指著用聖安娜紙盒包裝的蛋榚，跟我說：「謝老師謝老師，呢個蛋榚我架！」
我：「好靚喎，邊個買俾你架？」
小朋友搖搖頭：「唔係買架！」
我：「唔係買架？」
小朋友：「係我阿嫲拎俾我架！」
今日在幼稚園記錄小朋友活動時，不小心跌了自己的記錄板。
小朋友甲指著我：「哦！！！」
小朋友乙附和：「整爛晒D野！」
小朋友丙：「係囉，陟晒D野！」
小朋友甲：「係囉，爛晒啊陟晒啊！」
小朋友丁：「你陟晒D野啊！」
小朋友乙：「要一蚊架！」
（無限loop）
小女孩甲：「女人係唔可以生BB架！」
小女孩乙：「梗係可以啦，我媽咪生佐BB啊！」
小女孩甲：「我媽咪都生佐BB，係女人唔可以生BB！」
老師教中國名勝萬里長城，問：「你哋知唔知點解萬里長城要咁長啊？」
小朋友舉手：「我知！萬里長城好長，好長……」（右左手向外推）「因為有個長字啊！」
小朋友：「你知唔知我大個想做乜啊？」
我：「唔知喎，你想做乜啊？」
小朋友：「我要做超－－賊。」（舉高雙手跳）
我：「吓？即係做乜架？」
小朋友：「 超賊喎！你唔知咩？即係超人咁樣會變身既賊囉。」
我：「吓？你點解想做超賊啊？」
小朋友：「超賊警察咪捉唔到，唔駛驚俾警察打⋯⋯」（嗰排正值佔中）
我：「咁你做超人都得架，唔駛做賊既。」
小朋友：「哈哈，超人假既，係人都知啦！我要做超賊！」
幾個小朋友在搶玩具。
小男孩A大叫：「放— 手！」
小男孩B大唱： 「放開所有～」
