星期五放學後，我在一樓走廊迎面見到四個數學科男老師，其中三個一邊走一邊在踢足球。
我（講笑）：「我係咪見到啲我唔應該見到既嘢？定係老師可以喺走廊踢波？」
只在一旁走，沒有踢的男老師：「梗係唔可以啦！要俾B1佢哋。（B1即係扣操行分一分，敝校由B1去到B5，有好多分類，例如欠交功課，講粗口，逃學等等）」
我：「B1啊，但係我唔知記邊個分類喎。」
無踢既男老師：「佢哋全部都係記Poor transition」（我哋B1真係有Poor transition，即係轉堂行錯方向啊，太嘈之類，但係男老師呢度係笑嗰三個老師交波交得差。)
有份踼既男老師交波俾無踢既男老師，無踢既男老師無為意，個波轆走佐，慢慢黎到我腳前面，我整停佐佢。
交波既男老師指住無踢既男老師：「你都係Poor transition啊……」
我為免俾佢哋話我Poor transition，所以執起個波遞返俾佢哋。
無踢既男老師：「你應該要沒收個波，交俾校務處等佢哋一個學期之後先可以拎返。」
其中一個男老師搶走我手上個波：「 thanks miss!」然後一邊衝落樓梯，一邊對住無踢既男老師講：「你追到我哋先算啦。」
之後佢哋就走晒。
我極度懷疑佢哋係已經咪飲佐酒……（呢度啲老師好興星期五放工之後落Pub）
中一學生：「有兩兄弟數學好叻，你知唔知佢哋叫乜名啊？」
我：「唔知喎。乜名啊？」
學生：「係 algeBRO.」
中二數學堂有學生喺度問埋啲無厘頭嘢（無厘頭到我唔記得佢問乜。）
老師：「Focus! We are doing algebra, it is more important than anything in the world!」
一個學生舉手：「how about my mum?」
老師：「Fine, algebra is more important than anything but your mum…」
另一個學生舉手：「how about my mum?」
老師：「All mums are equally important! Now let’s focus on algebra, the second most important thing in this world.」
