老師上堂派有關約見社工服務嘅回條。
小朋友甲：「乜嘢係社工啊？」
老師：「唔…小明個媽媽係社工，小明你知唔知你媽咪做乜㗎？」
小明：「唔知啊……」
老師：「唔…社工係會幫一啲有需要嘅人，好似有啲屋企無錢用……」
小朋友乙興奮舉手：「我媽咪成日都話無錢架！！！」
一眾小朋友舉手：「我媽咪都無錢架！！！」
小朋友：「我想要公主貼紙。」
我：「我無公主貼紙啊。」
小朋友：「咁你去買啦！」
我：「我無錢喎……」
小朋友：「咁你勤力啲返多啲工就會有錢㗎嘞！」
老師講《積金森林》故事（一個有關小動物屋企被老虎整爛，佢哋要整返間屋既故事）
老師：「積積佢哋無錢喎，咁點算呢？好彩老闆俾佢哋喺店入面返工做嘢賺錢⋯⋯咁積積好努力工作，咁老闆就俾錢佢哋⋯呢啲錢就即係人工，你哋大個返工，老闆就會俾錢你哋架勒。」
小朋友（舉手）：「咁我要找返幾多錢俾佢啊？」
同小朋友做完TASK之後送貼紙俾小朋友。
我：「我有史迪仔、多啦A夢、小熊維尼、米奇老鼠同埋Thomas火車貼紙，你鐘意乜嘢啊？」
小朋友： 「我想要萬寧印花貼紙啊！」
幼稚園教金錢運用，給小朋友一些代幣到模礙商店購物。
小朋友：「呢舊白菜幾多錢啊？」（因為係一”舊”玩具白菜）
老師（指價錢牌）：「十蚊啊，好新鮮㗎。」
小朋友：「咁貴！有冇得便啲啊？」
老師：「咁你想便幾多啊？」
小朋友：「唔⋯⋯你要問媽咪喎⋯⋯」
