一個小朋友攬住一堆玩具，見到另一個小朋友切雞脾，搶佐佢把刀，之後大叫：「我條魚呢？邊個攞佐我條魚！我要切魚！」仲要揼地同兇其他小朋友，最後老師要佢坐埋一邊冷靜，佢爆喊，猛咁話有人拎佐佢條魚。
其實條魚佢自己一直攬住佐……
小朋友Ａ用手指拍枱扮彈琴，一邊哼「do re me fa te do」。
小朋友Ｂ又學佢彈，仲唱「如果～命運能選擇」。
Ａ彈彈下彈去Ｂ個枱面……
Ｂ怒道：「你唔好彈我個琴啊！！」
K2自由創作四格漫畫。其中一幅作品是：
第一格：一個長方形上有一橢圓形；
第二格：長方形上有一橢圓形再加幾條直線；
第三格：長方形上有一橢圓形再加十幾條直線；
第四格：長方形上有一橢圓形再加很多很多條直線。
老師問：「這個故事是說甚麼？」
小朋友：「我去搭火車，跟住落雨，跟住好大雨，跟住好大雨好大雨。 」
在麥當勞，有個小朋友跟我揮手，我也向他揮揮手，他跟媽媽說：「我K1嗰時個老師啊！」（媽媽背向著我）
媽媽：「邊度係啫，你認錯啦！」
小朋友：「係真架！」
媽媽：「老師點會食麥當勞啫！」
K3小男孩：「聽日係最尾一日十一月啦！」
爸爸：「係呀……」
小男孩：「之後就係十二月啦！」
爸爸：「係呀……」
小男孩：「十二月你就買架的士俾我吖！」
爸爸：「無錢喎。」
小男孩：「十二月喎，唔係十一月！」
