茶點時間
老師在白板寫著「惜食行動」。
老師問:「有冇人知『惜食』個『惜』字點解啊?」
小朋友舉手:「惜食囉!我阿媽成日話我好識食!」
幼稚園貧富餐:富餐食物豐富,有木瓜、雞翼、意粉、腸仔、水果撻、果汁等;貧餐就只得豬仔包和清水。
一個討厭木瓜的富餐小朋友興奮地拿著木瓜。我們都在奇怪,他明明討厭吃木瓜為何這樣高興。
後來老師對富餐小朋友說:「我們這樣多食物其實吃不完,可以和貧餐小朋友分享。 」
拿著木瓜的小朋友:「我可以分享呢個咁大既芒果!」
咁多次貧富餐,次次都有小朋友抽到貧餐之後喊,但係估唔到抽富餐都有幾個喊,有一個男仔仲喊得好慘:「嗚⋯⋯咁多我食唔晒啊!」印象中安慰得最耐係佢。反而有個抽到貧餐既小朋友開心大叫:「Yeah!我最憎食木瓜!」
派茶點前,熊貓組小朋友很吵。
老師:「熊貓組小朋友傾計傾飽得架啦,唔駛食茶點架啦。」
過了一會,老師派完茶點給其他組的小朋友,問:「熊貓組傾飽未啊?」
熊貓組一小朋友老實地答:「傾飽嘞。」
老師:「你哋估下Peter個媽咪整佐乜嘢俾我哋一齊食吖啦!」
小朋友亂估。
Paul壓低聲線喺我耳邊講:「我一早就知係冬甩仔啦⋯」
我:「佢話你知架?」
Paul:「我睇Facebook就知啦⋯」
睇黎online communication/relationship研究喺不久既將來要包埋幼稚園架啦。
小朋友放好餐具,但還沒有茶點,小朋友甲做手勢扮吃東西,說:「我最鐘意食風,所以我唔怕凍。」
小女孩食完茶點,好大力咁拍自己個肚:「好飽!」
旁邊的小女孩認真說:「你唔可以咁太力拍肚腩架,會嚇親BB㗎!」