小朋友進來評估室劈頭第一句話：「姐姐，你知唔知自作多情點解？」
我：「唔，你知唔知啊？」
小朋友：「知啊。」
我：「咁你解釋下啦。」
小朋友：「嗱，譬如有個人寫個字寫得啱，之後另一個人又話佢寫錯……咁咪係自作多情囉……」
我：「咁係叫自作聰明喎……」
小朋友：「嘩，咁難嘅！咁即係迫我出必殺技啦！」
我：「乜嘢必殺技咁犀利啊？」
小朋友：「哎唷，唔講得俾你聽喎。講佐俾你聽你會唔俾分我㗎。」
我：「咁你唔駛講啦，快啲做啦。」
小朋友頓了一頓：「其實咪係亂撞囉…」
有個小朋友做評估成日分心，我話佐佢幾次。做完評估，小朋友用勁嗲既聲講：「你一陣可唔可以講啲好野唔好淨係講衰嘢？唔係我會俾人鬧…」
小朋友做到好忟，話：「我寧願跳樓都唔做啦…」
我：「嗱，呢個問題你做完先諗…」
小朋友：「唓，你好似我咁細嗰時做過呢個測試未啊？」
我：「咁耐以前，唔記得啦，你快啲做先…」
小朋友：「你咪扮嘢啦，你都係讀中學啫，有幾耐啊？」
小朋友進來評估室，叫我：「張老師（因為通告係由張老師署名）。」
我：「我唔係張老師啊……」
小朋友：「張校長……」
收中文研究數據，小朋友入房見到我個喼，指住問：「This is yours? This is yours?」
我：「你係咪問我問題啊？應該係Is this yours喎。」
小朋友：「乜你唔係教中文架咩？」
