小朋友之前跟我說「胡楓」的英文是Paper Wa，我在奇怪為甚麼他會對胡楓的英文名有興趣，還想胡楓的名字應該不會是Paper吧……
今天在課室見到這張字咭，㤃然大悟……
我：「你覺得自己搞唔搞笑啊？」
小朋友： 「我啲啲搞笑啦⋯⋯不過我好狡猾架！」
（佢係咪搞緊GAG啊⋯⋯）
小男孩A：「喂，你搞乜啊？」
小男孩B：「搞鬼啊！」
（K2小朋友的爛GAG……）
拖小朋友隻手去玩，全部小朋友隻手都暖過我。
其中一個小朋友話：「謝老師，你手好凍啊！有北極咁凍啊！」
今日勁凍。有個小朋友啱啱洗完手，我要拖住佢去玩，稔住佢隻手會好凍，點知佢隻手暖過我。
我：「嘩！你隻手好暖喎！」
小朋友：「嘻嘻，係啊！我好強壯架！」
小朋友A：「我有光波爐！」
小朋友B：「我有聲波爐！」
小朋友C：「我有超聲波爐！」
小男孩喺度玩電筒：「謝老師，我變魔術俾你睇吖！有光……無光……有光……」
老師問小朋友甲：「你個英文名係咩啊？」
小朋友甲：「Ashley」
小朋友乙搶著說：「老師，我都有英文名架！」
（小朋友乙成日幫自己改英文名，之前叫過自己做Thomas(the train), Mickey (Mouse), Donald (Duck), Buzz Lightyear等。）
老師：「我知你依家叫Laughing吖嘛！」
小朋友乙：「唔係。」
老師：「你又改佐名啊？咁你依家個英文名係乜啊？」
小朋友乙：「劉德華！」
小朋友Ａ：「有隻男八爪魚同女八爪魚一齊，咁佢地係乜啊？」
小朋友Ｂ：「藍色筆同紅色筆囉！」（？）
小朋友Ａ：「係拖手手手手手手手手啊！有八隻手啊！」
