小女孩：「謝老師！我講個故事俾你聽吖！」
我：「好啊，咩故事啊？」
小女孩：「白雪公主。從前有個白雪公主⋯」
小男孩：「我知！個王子錫佐個公主一啖，之後⋯」
小女孩：「無咁快啊！你聽我講先啦⋯」
我（對小男孩）：「你等佢講先，我一陣聽你講。」
小女孩：「白雪公主個媽媽死佐，佢個新媽媽係巫婆⋯」
小男孩：「我知！個王子錫佐個公主一啖！」
小女孩：「我講緊啊！！」
小男孩：「唔駛講咁多喎，最緊要都係王子錫佐個公主一啖！」
（唔通真係女仔緊張過程，男仔緊張結果？）
小女孩跟小男孩說：「我想同你坐啊！」
小男孩搖頭：「唔得！」
小女孩：「你摸吓我隻手吖！」
（小男孩摸小女孩隻手一陣。）
小女孩：「我同你坐吖！」
小男孩：「好吖！」
小男孩：「你成日喺度扮公主！」
小女孩：「你成日喺度扮超人！」
小男孩：「我係變型金剛！唔係超人！」
小女孩：「你成日喺度…喺度…扮型金剛？」
小女孩今天束了孖辮上學，上課時，旁邊的小男孩偷偷地摸她的辮子。過了一會，小女孩發現，很嬲地說：「你唔好搞我啦！」
老師問：「乜野事啊？」
小女孩投訴：「佢啊，搞我條辮啊！都無問過我！」
（由於小女孩咬字不清，老師應該係聽唔清楚佢開頭講乜…）
老師向小男孩：「唔得架喎，你要問下佢得唔架！」
小男孩點頭，然後問小女孩：「我可唔可以摸下你啊？」
堅持做警察嘅男仔：「喂！呢度喺999！」
堅持做公主嘅女仔：「999！我係灰姑娘⋯」
三個女仔一個男仔圍埋一齊坐。
女仔A：「我係ELSA公主！」
女仔B：「我先係ELSA公主啊！」
女仔C：「我係蘇菲亞公主！你哋唔好爭啦，我哋問下王子邊個係ELSA公主吖！」
女仔ABC一齊望住男仔。
男仔：「Raaaa~我唔係王子，我係大灰狼！Raaaa~」（舉高手，Raaaa住走佐）
