有少少搞笑系列某程度係因為我小學時經常看讀者文摘內的「浮世繪」、「童言童語」、「開懷大笑」等由讀者投稿的短篇笑話開始的。以下是一部份我平日無聊時會記下的故事。
書店內。
一個三歲左右的小男孩邊跑邊東張西望：媽咪！媽咪！媽咪！﹙超過一分鐘﹚
我跟著他，同時看看附近有沒有職員。
另一個兩歲左右的小男孩望著他，然後指著自己身邊的女仕：媽咪！呢度！
三歲小男孩望了望那女仕，繼續周圍找媽媽，兩歲小男孩急忙衝上前，看來是想告訴三歲小男孩媽媽就在自己身邊。
女仕捉實他：你走開就好似佢咁唔見佐媽咪！
（後來我找到職員幫小男孩。）
地鐵內。
小朋友：乜野係蟻多摟死象？
媽媽解釋：一隻蟻隻象一腳都踩死佢，但係好多蟻會點？
小朋友：會點？
媽媽：唔…會摟死象…
小朋友：即係點？係咪一套戲名？
媽媽：唔係，係四字詞語…
（媽媽，你數下蟻多摟死象有幾多個字？同埋其實你知唔知蟻多摟死象點解？）
我張職員證唔見左，去大學地鐵站碰運氣。
職員取出幾張藍色學生証。
我：唔係啊，我嗰張唔係藍色架。
職員取出一張綠色設施証。
我：我嗰張係橙色架。
職員：無橙色喎依家…
（喺嗰一刻，我稔起《誠實的樵夫》）
辦公室內。
老師致電查詢：我填緊你哋份問卷啊，右上角印佐P2或者P4，我個學生五年班架，係咪要填另一份？
同事（認真地看問卷）：右上角有P2P4？哦，嗰啲係頁數嚟⋯
搭電梯時，路人問幾點。
我：十點叠三。
路人🙄：吓？即係點？
我😅：十點三……
路人🤔：咁即係幾多分啊？
我😅😅：十五分……
