小朋友：「謝老師你同我去玩丫！」
我：「你玩過架喎…」
小朋友：「玩完可以再玩！」
我：「但係同之前一模一樣架喎。」
小朋友：「都可以再玩架！」
我：「但係仲有好多小朋友未玩喎…」
小朋友：「咁幾時會有新遊戲啊？」
我：「無新遊戲架啦。玩晒啦。」（收埋嗰轉數據就要閉關寫畢業論文。）
小朋友：「下！點解啊？」
我：「我無晒貼紙囉…」（佢哋「玩」完，我會送貼紙俾佢哋，而由於我啲「遊戲」好悶，我一直覺得啲小朋友係因為想要貼紙先成日說要玩。）
小朋友：「無貼紙啊⋯⋯」
我：「係啊，所以無得玩啦。」
(第二天)
小朋友拿著幾張大貼紙：「俾你架謝老師，我哋去玩咯！」
我：「你知唔知乜野係秘密？」
小朋友：「我知，秘密即係耳邊風！」
搵小朋友去做task（去「玩」），我問小朋友：「你係唔係Ｘ啊？」
小朋友點頭：「係啊！係咪去玩啊？」
帶佢去到做task既地方坐低，問：「你最鐘意同班入面邊個小朋友玩啊？」
他：「Ｙ！」
我：「咁如果Ｙ無返學，你最鐘意同邊個玩啊？」
他：「Ｘ！」
我：「唔計自己架喎……」
他：「我唔係Ｘ啊，我係Ｚ啊！」
我：「吓？咁我頭先問你你又話你係Ｘ？」
他：「我想玩啊！玩啦！」
（Ｘ同Ｚ真係好似架，我成日認錯。）
有次小朋友叫我買貼紙，我同佢講我無錢。
今日，小朋友：「謝老師，你又無錢啊？」
我：「無乜架，做咩啊？」
小朋友：「你對鞋甩色甩成咁，仲爛晒，唔靚架，你快啲買過對鞋啦！」
