同小朋友做task。我：「ＸＸＸ呀，你個『Ｘ』字同我個名嗰個『Ｘ』字一樣架喎！」
小朋友疑惑：「吓？咩啊？」
我指住佢名牌個『Ｘ』字：「我個名都有個『Ｘ』字架！」
小朋友驚訝：「吓？你個名唔係謝老師咩？」
小朋友甲：「我發夢見到隻青蛙，有翼，會飛架！」
小朋友乙：「我發夢我個口罩唔見佐啊！」
（小朋友乙差不多每天也會戴口罩。）
我和一組小朋友一起坐。一小女孩突然指著我的額角，跟我說：「謝老師，你如果呢度整隻蝴蝶結呢，你就會變成Hello Kitty架啦！」
老師拿著一片枯葉，問：「你哋知唔知點解片葉會咁啊？」
小朋友：「因為佢未飲水！」
今日有個請佐兩個星期病期既小朋友返學，佢之前成日都唔記得我係邊個，臨病之前嗰個星期先記得。
我問小朋友：「你好返咪啊？」
小朋友興奮：「返啦！」
我：「咁就好啦，我好掛住你啊。」
小朋友興奮：「掛啊。」
我：「你掛住我？」
小朋友點頭。
我：「咁我係邊個啊？」
小朋友興奮：「姐姐啊。」
回家路上，忽然聽到小朋友大叫「謝老師！」然後見到升小一的女孩跳著揮手並興奮地跟媽媽說：「我見到謝老師啊！」，又跟即將讀K1的弟弟說：「謝老師啊！你認住佢就係謝老師啊！」
