做佐top writer in humor幾個月，其實我覺得自己唔幽默，但係舊同事話我係冷面笑匠，因為我成日都好認真咁講／做一啲搞笑既嘢：
趕時間，去麵包舖匆匆夾幾個麵包，跟住俾錢。收銀員拎佐我盤麵包入櫃枱計數。我俾完錢，收銀員將盤麵包放喺枱面，我急不及待拎起啲麵包轉身走，同時稔住打開書包放麵包入去，先發現我拎住成盤麵包…
尷尬轉身，見到個收銀員目定口呆，一手拎住個夾住麵包既夾，一手拎住個麵包袋，應該係震驚到唔知可以俾乜反應所以定佐格。
我之前都係係拎放找續／咭既盤啫，做乜越拎越大個盤⋯⋯
唔小心打錯佐俾朋友。
WhatsApp朋友：「唔駛理我個call，我㩒錯。」
朋友反問：「㩒錯乜嘢？」
原來我WhatsApp錯人⋯⋯
去銀行開戶口。
職員：呃，你啲簽名個個都唔同喎，麻煩你再簽過丫…
我：呃，好難一模一樣架喎…
職員：但係要一樣啊，因為有支票戶口。
我：咁我唔要支票戶口啦。
職員：無得唔要喎。
我：呃，咁你等我練下個簽名先…
【五分鐘後】
我：都仲係唔得喎…不如我去整個印章啦。
職員：阿婆先用架喎！
結果我簽佐十五分鐘名先簽到兩個差唔多樣既名，我好肯定到我需要簽名時一定簽唔返。
轉季時節，早上吃抗敏藥已成習慣。有天吃了抗敏藥，鼻敏感依舊厲害，一直在想要不要多吃一粒。
回家後，發現地上有顆抗敏藥。看來是那天早上把抗敏藥掉了在地上也沒察覺，當自己已經吃了⋯⋯
用八達通當職員証就好多人都試過（我估？），但我除佐試過只差一點點便把八達通放入ATM外，仲試過過馬路用八達通拍盲人輔助器⋯⋯
趕工趕到唔記得得閒save，結果就係梅菲定律，部電腦死佐，做佐兩個鐘既嘢無晒。之後，見過鬼超怕黑，打幾個字「ctrl+s」，執少少format「ctrl+s」，連睇Facebook同喺呢度打文都「ctrl+s」……
早上睡眼惺忪，把電話從褸袋拿出時，聽到「啪」的一聲，見到地上有個啡色橢圓球體，拾起來想是模型組件還是衫鈕，當橢圓球體非常接近我的臉時（因為一直都看不到是甚麼），我見到那物體的腳⋯⋯
頓時睡意全消….
