明仔(化名)記人名很差,三年來都叫我做姐姐。但係佢認得我嘅,因為佢淨係會叫我帶佢去玩。
今日,明仔見到我,揮手叫:「姐姐,同我去玩吖!」
我:「 我唔係姐姐啊!我係邊個啊?」(其實我次次同佢既開場白都係呢句,佢通常會會亂講「陳老師/黃老師⋯⋯」)
明仔:「靚女!!!」
史兄 ,因為你之前highlight咗靚女,寫返呢段俾你😛…
兩個四歲小朋友上課前的對話:
甲:「有人喺課室,跳返嚟⋯⋯」
乙:「跟住跌穿頭,流血!」(笑)
甲:「跟住轉~飛去太空!」
乙:「跟住跌落嚟!呯!流血!」
甲(惡):「唔係,要去太空!」
乙(驚):「哦⋯⋯」
甲:「啲星星拮佢,佢個引擎,唔夠火,tuuuuu…跌返落黎!」
(我心想:你咁似啲老細BAN人橋然後扮自己稔到既)
乙:「要搵sir滑梯!sir~~」
甲(惡):「太空無sir滑梯啊!」
(我好想知個故事會發展成點⋯⋯可惜跟住就要上堂)
茶點時間,小朋友見到自己杯上有一條頭髮,皺眉道:「點解我個杯有頭髮既?我都唔鐘意食髮……」
放學時,班主任叫:「小朋友,揹書包放學…」
大部份小朋友都論盡地揹書包。
一個小朋友跑來命令我:「謝老師,你叫我揹書包吖!」
我轉身裝聽不到(因為我要令小朋友不理會我)。
小朋友又轉到我面前:「謝老師,你快啲叫我揹書包吖!」
我繼續不理她。
小朋友跺腳說:「我要放學啦!你唔叫我揹書包我點放學喎!」
放學時,一個小朋友揹著書包,篤我:「姐姐,揹書包!」
我見他向我報告自己揹了書包,便點頭:「哦…」然後繼續寫觀察記錄。
他拍我,惡道:「揹書包啊!」
然後指著我擱在地上的書包😅………