我們成日話政府失了一代年輕人——其實唔只係大學生中學生，連小學生都係。唔好睇少小學生，佢哋都好留意時事。最近去小學觀課，好多小朋友小息會唱「願榮光歸香港」，有小朋友見到課外書上的小熊穿黑衣說「嘩！著黑衫會俾人打架。」而我們經常叫學生用post-it做堂課，他們每次做完堂課，就會在post-it寫上各種口號等。示威林女士成為佢哋生活既一部份。
小朋友玩的一個遊戲：把幾個人的棋子放在桌上，用彈指的方法，用自己的棋子將別人的棋子從枱面用射落地，而自己的棋子則要留在枱面。
小朋友甲將自己和小朋友乙的棋子同時射落地，小朋友丙取笑說：「嘩，攬炒之母！」
之後，他們變了玩要把棋子一齊射落地，同時好像出必殺技般大叫：「攬炒之母！！！」
在警察用水炮車射清真寺的第二天，小四同學甲指著導師的水樽，說：「嘩，藍色水樽啊！」
導師：「咩啊？綠色嚟架。」
同學甲：「咁都好啲，我驚你用啲水黎噴我啊。」
之後，同學乙拎住一個藍色水樽入課室，同學甲立即彈開大叫：「嘩大家小心啊有藍色水啊！！！」
導師在教四素句，小四同學：「五大訴求，缺一不可！！」
小四同學的記事簿封面畫了一舊屎，下面寫住「黑警記名簿」。（入面全部都係同學啲名 -___- ）
（小四課室）
甲倒晒筆袋啲嘢出黎：「我舊擦膠呢？？」
乙遞自己舊擦膠俾佢：「借俾你。」
甲：「唔駛啊，我嗰舊勁好多架，係光復香港擦膠啊。」
之後甲又倒晒書包啲嘢出黎，再揾佐一輪，終於喺褲袋拎佐舊擦膠出黎：「Yeah，我舊光復香港擦膠啊！」仲特登拎俾我睇。
原來佢喺上面用原子筆寫住光復香港，佢仲要反轉：「你睇，仲有時代革命添啊。」
小五學生甲：「我琴日阿爸帶我去買game啊，不過啲示威搞到嗰個商場唔開，最衰係啲暴徒啊！」
小五學生乙：「唓，咁你應該睇下新聞或者屋企樓下啲牆，人哋上個星期都話佐琴日會有示威架啦，你應該第二日先去吖嘛！」
以上其實都係發生係政府跌落圏套之前既事，因為何已完，終於有少少心情寫吓啲有趣既嘢。
