評估前…
我：「你記唔記得舊年我同你做過評估啊？」
小朋友：「唔記得喎。」
評估後…
小朋友：「我要禮物！我記得舊年你同我做完評估有禮物㗎！」
小二小朋友做完評估等媽媽，我和他閒聊，他提起之後要去的地方，我問：「哦，是不是citysuper附近啊？」
小朋友：「吓？citysuper？好似無見過喎……」
我：「唔，咁可能我記錯啦，可能嗰度無。」
小朋友：「可能係我唔識讀呢…咩嘢嚟㗎？」
我：「超級巿場囉！你連illustrator同author都識，無理由唔識讀citysuper架…」
小朋友稔佐一陣，忽然恍然大悟：「哦！你講個間好多標點符號既超級市場！哎唷，原來係citysuper，我叫佢做C-感嘆號-T-Y super 㗎！」
後記：
小朋友一見到媽媽，興奮地問：「媽咪，你知唔知我地一陣食牛扒嗰度附近間supermarket叫乜名啊？」
媽媽：「citysuper吖嘛，做咩啊？」小朋友好失望啊…
小朋友做完評估等媽媽，我陪小朋友打機，佢好興奮咁示範各個必殺技俾我睇，出完必殺技，畫面顯示Amazing。我：「Amazing，你知唔知點解？」小朋友：「知，即係死佐！」
小朋友媽媽打電話來：「我病了，不來啦。」
我：「沒問題，我替你改時間吧…你想現在改還是我遲點再聯絡你？」
小朋友媽媽：「現在也可以。」
我在看時間表，小朋友媽媽：「唔，算了，不如我現在帶小朋友來吧…」
小朋友一進房，就衝去玩足球機，我說：「我們快點開始，你媽媽病，唔好要佢等太耐……」
小朋友：「唓，佢講下之嘛，佢邊度有病啊，佢唔想出街啫。」
公公帶小朋友來做評估，我請公公坐在一旁等候，還拿了幾本雜誌給他。…
