遇上極不集中的小朋友，幾經辛苦終於做到最後一個測試…
小朋友：「最後一樣嗱？咁做完之後點啊？」
我：「做完咪可以同媽咪返屋企囉。」
小朋友：「咁你呢？你係咪都會嚟我屋企啊？」
我：「唔係啊。你快啲做啦，你媽咪係出面等佐好耐啦。」
（小朋友做了兩題。）
小朋友：「我總共做佐幾耐啊？」
我：「三個鐘啦。」
小朋友：「嘩，原來我做佐咁耐架！好勁啊！通常其他小朋友做幾耐架？」
我：「你唔好問嘞，快啲做啦…」（其他小朋友通常做兩個鐘）
小朋友：「咁我可唔可以做四個鐘架？」
我：「唔得，你專心啲做埋佢先…」
（小朋友做了一題…）
小朋友：「呢個好簡單啫！」（開始同我解釋佢點解擇嗰個答案）
我：「我哋不如試下唔講嘢，快啲做完呢個練習，你咪可以快啲返屋企玩。
小朋友（興奮）：「你係咪同我一齊返屋企玩啊？」
我：「唔係啊，我一陣仲要做埋啲嘢先收工啊，你可以返屋企同媽咪玩啊。」
小朋友：「叫親媽咪同我玩佢都會叫我溫書架，我先唔會咁蠢啊！！我等埋你放工吖！你黎我屋企吖！」
我的記憶力超差。今天替兩個小朋友做實驗，一部份是有關記憶力的，要小朋友認一些不規則圖案的名字。有位記憶力超強的小一生，全對，我問他是如何可以記到那樣複雜的東西，他一臉不解地說：「我地睇佐幾次啦喎，所以咪記得囉！」
可惜，我今天替兩位小朋友做這實驗，昨天也看過題目兩三遍，我依然只記得一小部份圖案的名字。然後，我遇到一位同學，並且叫錯她的名字。唉……
小朋友拿著麥記熊仔，媽媽在洗手間，我為了打發時間，問他：「麥當勞熊仔喎，你剛吃了麥當勞？」
小朋友：「不是啊，昨晚食架。」
我：「你好鐘意佢啊？帶埋佢嚟。」
小朋友點頭。
我：「佢有冇名啊？」
小朋友：「有啊……佢叫ANDY。」
我：「ANDY？點解啊？」
小朋友：「因為劉德華。」
我：「你鐘意劉德華？」
小朋友（大反應）：「梗係唔係啦！我媽咪改㗎。」
我：「你媽咪鐘意劉德華？」
小朋友（無奈）：「係啊。唉，我都係叫ANDY啊……」
