這是給小朋友的小禮物，可惜，這隻長相奇特的熊貓已被超過五個小朋友嫌棄…
其中一個小朋友話：「姐姐，呢啲嘢你喺邊度買架？」
我：「文具舖囉。」（其實係教協超級市場。）
小朋友：「呢個熊貓咁怪…我以為你喺街邊啲小販買添……」
陸小朋友：「謝老師，呢條題目寫錯佐我個名。」
我：「係？邊度錯佐啊？」
陸小朋友：「陸啊！呢度無勾架！」
我：「係喎！你真係好眼力！」
陸小朋友：「HEHE…」
後來，我才知道敎育局規定中文書要用楷書印……
早陣子在港大校園做測試見過一位小朋友，今天在港大牙科醫院做測試跟那位小朋友重遇。
小朋友：「咦，又係你既！？」
我：「係啊，做乜啊？」
小朋友：「吓，乜你唔係喺另一度返工㗎咩？」
我：「係啊，上次嗰度係香港大學，呢度都係香港大學。咁我琴日咪喺上次嗰度返，今日就喺呢度返囉。」
小朋友搖搖頭，老積地嘆氣：「唉，乜返工咁麻煩㗎…」
打電話給小朋友家長，小朋友接電話，我：「唔該搵XX既媽咪啊！」
小朋友緊張道：「潘老師，你…你做乜搵我阿媽？」
我：「呃，我唔係潘老師啊。」
小朋友懷疑：「你唔係？咁你係邊個？」
哥哥搶去電話，問：「你搵邊個啊？」
我：「我想搵XX既媽咪。」
哥哥大叫：「媽 — 咪！細 — 佬 — 個 — 班 — 主 — 任 — 搵 — 你 — 啊！！」
媽咪（緊張）：「潘老師，唔好意思，XX做佐乜嘢啊？」
我枱頭的電話響了起來。
我：「香港大學。」
小朋友（細細聲＋緊張）：「你 — 你係邊個，你做乜打電話俾爸爸？」
我立即將來電顯示的電話做ctrl-F：「呃，你係咪XXX啊？」
小朋友（大聲＋緊張）：「你點知㗎！！你係邊個！？」
