有一個TASK係我拎住同學啲相，續張問小朋友鐘唔鐘意同佢玩。
小朋友：「呢個係玲玲！我最鐘意同佢玩。佢成日病，流好多鼻水同咳架。」
⋯⋯
小朋友：「呢個係明明！我都鐘意同佢玩，佢成日都病。」
⋯⋯
－－－問晒所有相－－－－
我：「你平時同同學玩咩㗎？」
小朋友：「我最鐘意拉口罩，個口罩會彈返轉頭架。」
小女孩：「最鐘意琪琪，因為我同佢係好朋友！」
我： 「咁如果琪琪無返學，你最鐘意同邊個玩？」
小女孩：「明明啦，佢好靚仔！吖，定係德德呢？德德都好靚仔喎。唔，你覺得佢哋邊個靚仔啲啊？」
鈴鈴：「呢個係明明。佢好鐘意我架，佢仲話會同我結婚。」
我：「咁你鐘唔鐘意同佢玩啊？」
鈴鈴：「鐘意，我應承佐佢會同佢結婚架。」
之後，到明明做TASK。
明明：「鈴鈴！我好鐘意佢架。」
我：「咁你鐘唔鐘意同佢玩啊？」
明明：「超級超級鐘意啊！」
我：「點解超級鐘意啊？」
明明：「佢好靚女！我好想快啲同佢結婚，同佢錫錫。」
小朋友甲：「你係史史！hahaha….」
小朋友乙：「你係廖廖！hahaha….」
他倆四目交投，親切地輪流叫對方「史史」、「廖廖」……
甲：「hehe…史史，你好臭啊！」
乙擁抱甲：「係啊，廖廖，我哋一齊臭啊！」
晴晴平時最鐘意同熙熙玩。但係今日問晴晴鐘唔鐘意同熙熙玩，佢稔佐一陣，說：「唔，少少鐘意啦⋯」
我：「哦⋯」
晴晴：「你問我點解吖？」（我平時唔問既，一來無時間，二來唔想影響小朋友答，但係晴晴有特殊需要，佢好少主動會講多啲嘢，咁難得佢自己提出，我又想鼓勵佢講多啲嘢，所以我問。）
我：「點解啊？」
小朋友：「因為我病佐，唔想傳染俾佢，所以少少鐘意啦⋯平時我就超級鐘意既！」
（結果，同佢玩完我就病佐嘞）
