《螞蟻和蟋蟀》故事時間……
老師：「到咗冬天既時候，周圍都係雪，蟋蟀搵唔到嘢食，點算好呢？」
小朋友：「可以食雪榚！YEAH！」
小朋友熱情地揮手叫我，然後示意要講秘密。
我蹲低，她喺我耳邊問：「謝老師，你姓乜架？」
小朋友：「謝老師我入佐XX小學啊！」
我：「哦⋯係啊⋯」
小朋友： 「不過呢間小學好多壞人架！」
我：「吓？點解啊？」
小朋友：「因為我啲阿哥都喺嗰度讀囉。」
因為幼稚園附近有拐子佬出沒，老師播了一段短片，教小朋友要小心陌生人。
短片播畢，老師問：「咁如果街上面有個你唔識既人話請你食糖，叫你同佢走，你要做乜啊？」
某小朋友大叫：「喊！」
小朋友在堂上製作小手工，老師說：「呢個係送俾媽媽既母親節禮物，記住送俾媽咪啊！嗱，你哋跟我講一次：『母親節快樂！媽咪我愛你！』」
全班：「母親節快樂！媽咪我愛你！」
小男孩放學，急忙把小手工遞給媽媽：「情人節快樂！媽咪I love you!!」
小朋友：「我住五樓！我嗰度啊，得1,2,3,5，無4字架。 」
我：「係啊。你知唔知點解啊？」
小朋友：「因為要單數。」
我：「唔係喎，有個2字，唔係單數喎。」
另一個小朋友：「4字無禮貌，所以唔要佢。」
小男孩喺度玩軟尺，周圍度，之後走過嚟同我講：「謝老師我識度嘢架！等我度吓你張枱（放軟尺喺枱）……等我度吓個地下先（放軟尺喺地）……等我度吓你條腰先（想圍我條腰）……」
我坐在「醫務所」裏面觀察外面一枱小朋友的對話。
Ａ：「佢係醫院做乜啊？」
Ｂ：「等睇醫生囉！」
Ｃ：「佢就嚟死啦！」
Ｄ：「死佐啦！」
Ａ（指著我）：「喂，你死佐啦！」
上緊堂，小朋友突然細細聲問我：「謝老師，你細個係咪好近睇電視啊？」
唔怪得個個幼稚園老師都戴隱形眼鏡啦。
