琴日The Guardian其中一篇新聞講緊我最近非常頭痛既嘢——就係人工低到離晒譜：
不過你睇內文，助教並唔係辭職，佢係要做超巿part time幫補家計。
我依家喺一間中學做LSA—Learning Support Assistant，理論上同TA (teaching assistant)有少少唔同，不過其實都係差唔多，而人工係一樣既，都係跟同一個職級表。
我本身想做幼稚園或者小學老師，呢啲都係要讀，所以舊年落機，稔住搵TA做住先儲下學校經驗，本身係想搵小學TA但最後都係搵中學——因為小學TA人工低到唔夠交租（我唔係講緊一個人住啊，係house share 都唔夠啊）同交通費，一個人根本係生活唔到。
最後焗住搵中學TA，人工多過小學TA少少，但其實係低過我差唔多二十年前未畢業做Morgan Stanley intern。大佬，就算我依家份工係啱啱大學畢業都做得，呢個世界都有通脹架嘩？有乜可能二十年後人工仲低佐。（吖，不過係交佐一堆保費啊唔知乜費先咁低，我暫時係連稅都唔駛交，你話人工幾低？）
我間中學本身要九個LSA，依家得六個，一個人做個半人嘢，學校仲要話我哋既一星期係返三十七點五個鐘，唔係四十個鐘所以出唔足成份人工。我日日都朝七半晚四至四半，中間休息加午飯話就話一個鐘但係我啲仔執書包迷路等有時又要同老師傾啲仔問題得四十分鐘左右，同其他LSA傾都好唔忿氣——人工已經夠低，你仲要再壓低，有冇搞錯。
有心做係一件事，但係唔夠錢洗又係另一件事。我好彩都叫有啲積蓄，最近有同事真係搞唔掂真係稔住去做收銀。就算依家我老細幾好學生幾有需要份工幾有意義，如果今個冬天唔夠錢交電費，要用積蓄既話，我應該都要搵過份工，除非個股巿好返少少，我可以用下積蓄啲錢。依家啲積蓄跌到根本唔攞得出黎用。
而因為人工咁低，同時英國物價勁升——例如一打雞蛋由£1.7加到£1.85，五隻香蕉由£0.69加到£0.75，大部份嘢都加差唔多十個percent….加上我又可能要搵地方搬…
