例如「唏呀唏呀唏呀唏呀唏」
當大家仲會睇電視既時候，當大家仲會去唱Ｋ既時候，印象中一定會唱下一啲劇集主題曲，明明個歌手唔一定唱得好聽，首歌又唔一定好聽。但係大家又似乎會鐘意首歌架喎，咁點解呢？
心理學上，我哋叫做重複曝光效應。
重複曝光效應 Mere-exposure Effect ／熟悉定律familiarity principle
簡單嚟講，就係啲嘢（無論係人、食物、氣味、歌等等）曝光率越高，我哋就傾向鐘意多啲。如果啲嘢你本身對佢無乜感覺既話，而你又見得佢多，咁就會自然越黎越鐘意。呢個就係通街都係廣告既原因之一。
所以，製造偶遇機會，令心儀對像見多自己幾臉，理論上係可以增加對方對你既好感。
而且，嗰樣嘢如果係喺你唔在意既情況下出現，呢個重複曝光效應就會越勁。所以電視劇有咁多植入廣告，理論上越subtle就越有用。
不過，大前題係，你本身對嗰樣嘢無乜感覺。
如果你本身對嗰樣嘢已經有少少唔鐘意，咁重複曝光只係會令你更加唔鐘意嗰樣嘢。即係你日日喺記者會見到某啲人都只會更加眼火爆咁。
所以，日日定時播歌既作用到底係乜呢？
