完美媽媽神邏輯：無擦膠就唔會錯

網上流傳一個完美主義阿媽：

特意不給擦膠予兒子，以訓練他一落筆就要答案正確，不希望他寫錯一粒字。

呢個阿媽真係傻的媽，如果無擦膠就可以訓練到唔寫錯字，咁喺發明擦膠塗改液之類既嘢之前，啲人就唔會寫錯字，咁又點會出現擦膠塗改液？擦膠既存在，就係話俾你聽，擦膠唔係令錯字出現既必要條件。當然，我唔排除有擦膠可能會令人寫多佐錯字既⋯⋯

不過，傻的媽，你自己打字係咪唔會用backspace先？

我細個好俾心機寫字，但係就係處理唔到啲格仔既空間，啲多筆劃既字我硬係寫完上面嗰舊就無位寫下面，所以成日都要擦擦擦，紙都擦爛埋，好辛苦。再加上我啲小手肌麻麻，寫字寫一陣就無力，所以啲功課貼滿膠紙同埋寫滿好肉酸既字。