新聞：七歳男仔喺學校偷食物等佢返佐屋企有嘢食。你以為係Les Misérables？
唔係，其實係英國。
無錯，英國經濟其實真係唔係好掂。好似我咁，都叫做喺學校有份正職都唔夠交租同水電煤同稅：係，因為屋主自殺，我真係有稔過搬，加上成日要幫手搞啲法律手續——屋主啲遺產問題，個律師仲要勁不負責任，另文再講——所以我越黎越想搬，但係要搵返單向一小時交通距離既租盤既話真係起碼要俾多二百鎊，而且仲要細過我依家間房好多，所以為佐可以慳錢都係唔搬住。
我學校本身有超過一半學生都係有free school meal資格，即係家庭收入真係好低。好多學生晚餐都係食唔飽。仲有一大堆係屋企無人理但係又無free school meal，成日都有學生頭一兩堂話好肚餓因為屋企無早餐食。
