好勁啊我條魚！

Photo by pina messina on Unsplash

畫畫堂教畫八爪魚，男仔跟住老師畫咗好大隻嘅八爪魚喺畫紙正中間，之後自己再加咗一條魚仔同一啲波浪。佢好俾心機咁幫條魚仔油咗紅黃藍間條。佢睇住條魚，好滿意咁笑。

跟住佢就喺條魚上面用力咁油咗一層灰色，跟著又油咗一層啡色，跟住又油咗一層綠色……顏色越嚟越厚。

隔離住個女仔皺眉：「你唔好咁玩啦……好核突啊！」

男仔唔理繼續油，油咗超過十層。

然後，他雙眼發光同我講：「謝老師，我條魚係咪好靚呢！」

（其實佢已經油到根本睇唔到條魚，淨係見到一大撻顏色。）

我：「好俾心機喎，不如油下隻八爪魚啦！」