呢篇係「大罷工」日寫既，不過MEDIUM唔知做乜食佐我「10:30 小息」之後所有嘢，搞到我幾乎係要由頭寫過，而我又好憎寫過既嘢再寫，所以一直都無心機寫，所以今日先出……
今日係英國十年一遇既「大罷工」日，而對我有直接影響既就有巴士司機、火車司機同老師。
火車司機
話火車司機罷工對我有影響，只係因為火車司機罷工交通會擠塞，因為多佐人揸車返工，我本身都唔搭火車淨係搭巴士。
巴士司機
至於巴士罷工，我返工可以搭巴士一程去到一個巴士站，行十五分鐘就去到學校。呢架巴士無份罷工，所以對我既影響有限。
不過呢排因為天氣問題：太黑，加埋有時仲要大雨大雪好鬼凍，我通常會早幾個站落車，轉搭另一架巴士。如果咁啱有巴士既話，咁會快好多，加上有個站喺學校旁邊所以好方便。
可惜，呢架巴士有份罷工。不過，就算佢哋唔罷工，呢架巴士都勁唔準時，成日無啦啦唔出現，即係就算顯示屏話ＤＵＥ你等到忍唔住ＤＸＵ（粗口）佢都未出現，所以我不嬲都唔會靠佢，只係咁啱好彩見到就當慳返少少腳骨力。
題外話：因為呢度啲交通咁難預測，而我又轉佐長工，返工時間可以有返少少彈性，所以我會寧願預早啲七點半返到學校，慢慢食個早餐，咁我可以三點九走人。而如果咁啱交通擠塞，我都有九個字時候俾我行返學校——我一定要八點三前返到學校。咁當然如果有乜交通問題之類其實返唔到都可以電郵返學校講既，不過我呢啲低層職員就梗係唔想遲到……by the way,其實我咁大個人係無試過返學返工遲到。
加上巴士火車成日罷工，我大概都知對我既實際影響係點，所以我都無乜擔心。
但係我未試過返一份工大部份人都罷工，但係自己無份罷過工。
雖然我喺香港大學既時候，大學職員有試過罷工，但係一來香港既罷工嚴格黎講都唔係罷工——大家都請晒假；二來我又咁啱攞佐假返英國，所以其實都唔太知嗰日實際係點。
黎到英國啱啱返佐一年工，就適逢老師罷工：老師上一次大型罷工已經係2016年。早幾日啲老師成日都係度傾罷工點，又話會整picket line我又唔知學校嗰日會有乜安排，所以我係有少少期待到底會點。
