學了小提琴一年，間唔中都要揹住個小提琴周圍走。於是越來越多人知我拉小提琴。
有次揹住個琴撞到個intern，個intern問：「嘩你一定係好勁架啦依家都仲拉緊。」
我：「呃我學佐幾個月咋。」
intern一臉不可思議。
有啲朋友鐘意問我幾多級，我話未考級，佢哋又會問稔住考幾多級。
點解學樂器就要考級？我又唔係要報學校……
考級簡直係費時失事，而且要洗好多錢。當然，考級可以迫人練熟幾首歌同啲音階之類，不過我自己都練音階。（其實我好鐘意拉音階架。）如果考級唔駛錢，或者都會考慮下。但係考級好似要幾千蚊，仲要請人伴奏。要花咁多錢同時間去做呢件事會唔會有啲無謂？都係慳返啲錢買多支弓或者換過隻琴好過啦。
而且，一考級，就會變成求分不是求學。當然，考級好似可以客觀咁知道自己拉到邊個Level，但係其實死操嗰幾首考試歌要合格應該唔難。
咁大人學小提琴一年拉到啲乜嘢呢？
講下我本身音樂底子先：我本身玩開樂器，sight reading（睇譜拉一首無見過既歌）同數拍子都叫有少少底。至於練琴情況，基本上我平日都拉到起碼一個鐘，除佐有四日去佐越南帶唔到個琴去，有日入佐急症室返到屋企都零晨四點，同十日去佐台灣因為同朋友一起，佢唔喺度我先拉一陣所以嗰幾日拉少啲之外。周未既話，可能會拉兩三個鐘。
依家我練緊五歲小朋友學十個月就拉既Vivaldi… 我估我要練多幾個先有少少機會拉到佢咁 orz…
不過佢係神童，所以我覺得自己都算係咁架嘞。
（以下係學小提琴個人小記錄，各位讀者請略過。）
Learning goal in priority:
- RELAX;
- bow hold;
- vibrato;
- double stop;
- chord;
- intonation (esp. during shifting).
