一直都覺得Hitchhike好危險，無稔過有日會喺慕尼黑hitchhike⋯⋯
舊年同個去德國多過去銅鑼灣既朋友一齊去慕尼黑同捷克。呢位朋友去親歐洲都會「路過」慕尼黑去HB飲啤酒，對德國同捷克熟悉到全程唔駛google map。我無去過德國，佢又鐘意plan行程，所以我完全唔駛plan，除咗最後嗰日：因為佢早機走，我晏機走。於是，我就揀佐嗰日去參觀集中營（Dachau concentration camp）。朋友話可以同我去，但係佢已經去過幾次，同佢去我會唔好意思慢慢睇，所以我話自己最後果日去就可以。
因為成程同佢一齊，唔駛google map，而我又唔好上網影相IG，無得上網大條道理唔覆E-mail 最開心，所以無買電話卡，淨係靠酒店既免費WiFi。
同事聽到我無上網，成日問我唔驚盪失路（因為我喺香港都會盪失路）咩？我話「Download 好 Google map ，有乜事都唔駛驚」，同埋路在口邊，實問到人既。我之前試過喺維也納俾Google map自動更新搞到十點幾喺動物園附近遊盪黑媽媽搵路返酒店，都無驚過。不過因為今次要趕飛機，係有少少𢯎底，所以我screen cap埋Google map，just in case。
朋友見我猛screen cap，話唔駛擔心，一出火車站就有指示點行去集中營，我問佢concentration camp德文係乜，佢壓低聲線，話唔好講concentration camp，講集中營好啲，因為德國人聽唔明，佢話有啲激進德國人聽到集中營可能會打人云云，仲叫我唔好問路，跟指示牌行好嘞，指示牌有英文。
嗰朝佢晨早就去機場，我就搭S2火車去Dachau。出火車站，我見到既指示牌都係咁：
而我淨係識Bahnhof同估到Museen應該係Museum， 我仲白痴到見到Dachau以為係指集中營，跟指示行返入火車站，先醒起個火車站就係叫Dachau。
咁我唯有靠最強後盾Google map 啦…
點知GPS唔知做乜定唔到位，明明附近都無乜高既建築物。
結果，我嘗試記返十幾年前喺青少年奬勵計劃學過同教過人既map reading知識 ，靠幾坐建築物估自己喺邊， 同集中營方向喺邊…
跟住行佐半個鐘，越黎越唔對路，去佐啲好民居feel既地方，周圍都無大型建築物，完全唔知自己去佐邊：
