上次篇冧死人既幼稚園小朋友，入面係一半男仔一半女仔。今次呢篇竟然係全男班，明明一路收data都唔覺得男仔特別sweet，不過依家稔返轉頭，男仔要激氣真係好激氣，但係sweet起上嚟又真係好sweet，名副其實一啖砂糖一啖屎。
追輕鐵時跑了上車，聽到小朋友熱烈地在我身後大叫：「謝老師！謝老師」轉身在車上向他揮手講hello，小朋友繼續用一樣大的聲線叫道：「我好掛住你啊！你做乜咁耐唔返學啊！」
然後就「tututututu」車門關上。
小朋友指著圖畫：「謝老師呢個係你！呢間屋都係你架！ 好大架，有五層！」
我：「係啊？但係我都唔係紮兩條辮，我得一條辮喎。」(指住馬尾)
小朋友：「我發夢嗰時見過你咁樣架！」
