小朋友請大假，我問：「你放假做乜嘢啊？」
小朋友：「我去沖繩玩啊！」
我：「係啊…咁你開唔開心啊？」
小朋友：「開心！你知唔知啊，沖繩啲波蘿好好味㗎！」
我：「好好味啊？我無去過沖繩，唔知好唔好味喎…」
小朋友豪氣地拍心口：「咁我帶埋你去啦！！」
我：「我都想去，但係我要返工去唔到喎…」
小朋友：「你好似我咁請假咪得囉！」
我和小朋友做Task，之後會送貼紙給他們。
今日，一小朋友在書包拿出幾個很大的公主貼紙給我：「謝老師！你睇吓靚唔靚？」
我：「嘩好靚喎！」
小朋友：「我拎返嚟過送俾你架！」
我：「唔駛啦。你上次好似同我講過你好鐘意公主貼紙架喎……」（上次叫佢揀貼紙，佢話最鐘意公主貼紙，不過我無晒。）
小朋友：「係啊，你無吖嘛，所以我送幾個俾你啊！」
喺佢既堅持下，我最後收佐一個… :)
今天是幼稚園的生日會。因為昨天陳小明（假名）叮囑我：「謝老師，你聽日一定要入嚟食我個生日蛋糕啊」，我便特地去他的課室找他。他一見到我便興奮地拖著我的手，帶我到放蛋糕的地方，指他的蛋糕給我看，還給我看那個插在蛋糕上的Happy Birthday牌。
我：「你知唔知上面寫乜啊？」
他：「知，陳小明吖嘛！」
旁邊的小女孩：「咩陳小明啊！Happy birthday啊！」
他：「嘻嘻，係咩？我個蛋糕裏面有彩虹架！」（美心那種外面白色，裏面七彩的蛋糕）
食蛋糕時，我切了很小的一角，跟小明說：「你個蛋糕好好味喎！」
他：「係啊！呢啲（指住自己食緊嗰堆蛋糕）綠色既好好味架，咦，你無既！？我俾你吖！！」
跟住佢就想將自己食緊既蛋糕倒俾我。
我：「唔駛啦我有啦我食佐咋……」
他：「食多啲啦食多啲啦！」
我：「我唔駛食咁多啊，你食多啲啦！快高長大！」
他：「你都要快高長大！」
