琴日運動會跟一個語障中一學生，佢平時喺課室無乜嘢講，琴日我聽佢講既嘢應該多過我過去半年幫佢時聽佢講嘅嘢。
中一學生：「你乜嘢社架？」
我：「我唔知喎（學校無話過俾我聽）。」
學生：「咁你平時同邊啲學生一齊最多啊？」
我：「咪你囉。」
學生：「咁你應該同我一樣係藍社！你仲要著藍色，你一定係藍社。」
我：「唔知係咪，我陣間去問下。」
我中場休息走去問負責社既副校長我係乜社。
副校長：「因為你遲入職所以我無分你落社啊。你想要邊個社？」
我：「吓原來自己揀㗎…」（稔緊不如揀紅社因為中學係紅社）
副校長：「就藍社啦，你著藍色。」
我返去同學生講我喺藍社，佢超開心，之後問：「咁你要俾多啲house point 我！
過一陣，學生問：「Miss，你會唔會做老師啊？」
我：「我稔緊啊。」
學生：「你做啦。我覺得你會喺一個好老師。你應該教歷史！」
我（驚訝，大部分學生都係叫我教數，同埋歷史我真係一邊聽一邊教）：「吓？我幫佐你幾堂歷史咋喎…」
學生：「你教得好好啊，做咩後你依家無幫我歷史嘅？我好想你幫我….」
我：「我要幫另一個中三學生啊。」
（我仲有幫佢數學科學西班牙文，佢叫我教書第一科稔起竟然係歷史，對我既震撼程度只係次於佢叫我教西班牙語。）
最後一日正式上課，有一個有自閉仔既學生話驚試後活動見唔到我，提早送張咭同朱古力俾我，張咭係話
Thank you Ms for all the help since February. Your the best teacher ever. Hope i get you when i’m in year 10. Have a good summer holiday.
（打出黎係一來，學生字跡我唔方便分享，同埋佢手字其實都真係幾難睇得明。）
而盒朱古力上面有笑到流眼淚既emoji。
