今早又要遊行，早兩天才和同事戲言：「好似好耐無放過weekend，真係放假仲慘過返工。呢次遮打花園行去禮賓府，Google map說十分鐘腳程，應該不會太辛苦吧。」
結果真係烏鴉口，仲辛苦過六十二。天氣弄人，一時暴雨一時微雨，人多撐傘極為不便，也很焗，於是大家不斷開遮關遮。而其實在暴雨中，就如在瀑布下，遮只能令你的頭不濕，我的下半身很快便濕透了。
和朋友站在遮打花園寸步難移。四十五分鐘，只走了兩步。我們說不開路的話，天黑也走不完。身旁朋友說為甚麼沒有開路。我說：「平時遊行都係要自己衝出去開路，老師唔衝，天光都行唔完。呢啲時真係要有學生先搞得掂…」
旁邊不相識的老師也忍俊不禁點頭附和。
這時，雨又傾盆而下，我站在低窪地區，鞋都裝滿水，這時，我的上半身也濕了一大半。
守規矩的老師，終於按捺不住叫嚷：「開路！開路！」大家吶喊了好一會開路，路終於開了。也不知道是警察開還是老師自己衝紅燈霸了馬路。
朋友：「所有老師一齊叫，實大聲喎！」
我：「咁大家平日都訓練有素吖嘛。」
沿途有人見到警察大叫「黑警」，「黑社會」，旁邊有其他人叫他冷靜。到警察真的開路時，還有好些人跟他們說「唔該晒」「辛苦晒」。老師，果然是非常和理非非的。
行行下，後面傳來一把聲音：「嘩你睇個良心變成咁啊！」
回頭一看，見到該老師手上「良心」的標語濕透了變成梅菜....
