去尖吵咀誠品，然後到海港城找朋友吃飯，腦裏想著寫論文的事。
忽然聽到後面一女士氣喘地叫：「小姐…小姐…」同時感到給人在背後拍了一下。
我轉過頭，見到一女士在喘息，同時把一張紙遞給我，緊張地說：「小姐，你跌佐嘢啊！」
於是我接過那張紙，本能反應地道：「唔好意思，唔該晒！」
她揮揮手：「唔緊要！」然後掉頭跑走。
我繼續向前行，繼續想論文的事。走了五分鐘左右，才想起手中的紙， 於是看看自己掉了甚麼……
是張中原電器的發票，在約十分鐘前發的，王一心用銀聯咭買了幾千蚊電器，上面還寫在憑發票保用……
明明不是我的！
望著發票，不知可以做甚麼。大概應該拿回中原電器？但我已經走到離中原電器頗遠的地方，又趕著和朋友見面，沒理由回去。
而就在前方，我見到救星：客戶服務枱。
於是我走到客戶服務枱。一班內地人包圍著客服問這問那，客服一頭煙的樣子，於是我Whatsapp朋友，說可能會遲五分鐘才到。
等了好一會，終於到我了。我把單據交給客服：「唔，我頭先執到張單啊……」
客服一臉茫然：「呃？？」
我：「我唔知跌佐嗰個人會唔會搵……中原電器又太遠無理由行返去……咁我想睇下可唔可以交俾你哋……睇下點處理啦。」
不知是不是客服沒試過有人執到單據交給她，她想了一會：「唔……咁你喺邊度執到架？」
我：「其實係有個人塞俾我，話係我跌佐……不過其實唔係我既，但係執到嗰個人唔知去佐邊……咁可唔可以俾你啊？」
客服噗的一聲笑了出來：「嘻，可以既……」
到底她是笑我無端端拎佐人哋張單，定係笑我特登排隊拎張單俾佢呢？
