今天去中學做研究。那組中一男生已經見過好幾遍，等待上課時，有時會和他們閒聊一下，教他們做功課，所以雖然不算熟絡，但也算是可以談一兩句。中一的男生，其實和小六的男生分別不太大，都是傻呼呼的。
一踏入課室，其實一位學生偉仔（化名）見到我，辟頭便向我說：「你吹咩？」
要不是他聲線異常興奮，再加上已經認識了他好一陣子，知道他是學校樂團成員，真的會以為他是在罵人。
其實他只是見到我拿著小提琴盒，而他自己又是吹單簧管，以為裏面的是管樂，所以想問我吹甚麼吧……
我笑說：「吹咩？你講呢盒？我呢個唔係吹架……」
頑皮同學：「你唔好一見到人就問人吹咩啦……」
偉仔：「我以為係笛添！你呢盒係乜嚟架？」
我：「小提琴啊。」
偉仔：「乜你教小提琴架？」
我：「我學咋……」
偉仔：「學！？大人都要學！？我下星期考五級啊，你考幾多級啊？？」
我：「零級，我唔考級……」
偉仔一臉難以置信，他是無法理解大人學樂器，還是無法理解學樂器不考級呢？
去學小提琴，小提琴老師指住啱啱帶位個女走佐既媽媽同我講：「嗰個家長原來一直以為你係中學生啊！」
我：「唔係吓嘩……佢應該只係無稔過咁大個人都仲學拉小提琴掛……」
拎住個小提琴搭電梯，遇到住附近的婆婆拖住個讀小學既孫，她說：「咦你仲有玩樂器架？乜嚟架？」
我：「係啊，小提琴……」
婆婆指住個孫：「佢都係學小提琴架，不過佢好懶，成日都唔願練琴……」
孫：「咩啊，我有練架！」
婆婆：「練十幾分鐘邊算啊？你問下姐姐練幾耐？」
孫嬲爆爆唔出聲。
我：「咁唔同既，小朋友多功課做，又要玩……」
孫：「邊有時間玩啫，放學做完功課同溫書練鋼琴練小提琴都要瞓啦！！」
我：「咁練十幾分鐘都好過唔練啊。俾心機啦。」
孫：「咁你練幾耐啊？」
我：「我練一個鐘架，不過我無學鋼琴啦。」
婆婆：「你睇下人哋幾乖！」
（嚴重滴汗，我廿幾年無俾人話過乖 -___-|||）
