由讀科大到做Big 4，都係過住被chur爆既生活，成日嚴重唔夠瞓，練成想瞓就瞓，唔想瞓都會瞓佐既特技。
有晚十一點幾，喺公司揼code趕工，好想快啲對到個客條數，趕尾班車返屋企。喺我聚精會神咁思考點寫，忽然後面有人好大聲講嘢，我扭大個耳筒既音量，繼續集中精神寫code，後面嗰個人越黎越大聲，根本就做唔到嘢。
我心裹面爆佐幾句粗，同時寫多幾句code⋯⋯
條友真係太嘈！實在頂唔順，決定睇下係邊個咁嘈，於是轉身⋯⋯
見到一個男人，同時聽到叫聲：「小姐！起身啊！」
忽然發現周圍暗佐好多，面前部電腦無佐，再發現自己喺巴士入面，周圍一個乘客都無，司機鬆了一口氣地看著終於起身既我：「好彩，我叫佐你好耐架啦，幾驚你係暈佐啊。」
