最近好多人裝Signal，同時又有好多專家分析 signal 有幾安全／幾唔安全。
其實，乜嘢係「安全」呢？裝佐signal係咪可以一勞永逸呢？
我唔係反對大家裝Signal，呢篇文亦唔係講Signal或者特定一兩個App，而係想簡單講下「安全」，或者「網絡安全」係一個乜嘢concept。
TLDR: 網絡上無安全，有乜高危嘢就唔好網上講。簡單比喻，就算你有個全世界只得你一個人可以開既保險箱，而且核爆都爆唔開，但係你喺個無掩雞籠度放啲機密嘢入去，其他人求其喺附近裝個 cam 就乜都睇晒啦。
網絡世界就係無掩雞籠，而且唔止係一個無掩雞籠，而係無數個無掩雞籠。
首先，淨係部電話已經係無掩雞籠。可能你覺得自己好小心部電話，唔會係。但係，你知唔知你傳送資料去嗰部電話係唔係無掩雞籠呢？
如果對方用大米華維啊，又或者裝埋一堆（不）知名App例如vchat、逃寶、靚圖獸獸、豆陰、Toktik之類呢？
唔好以為呢啲電話、呢啲App個額頭鑿住危險，正常人都唔會買、唔會裝，你睇銷量、用戶量就知有幾多人用。我有唔少外國朋友完全唔知Toktik有問題一直用開，亦有朋友因為華維個Cam靚而用，甚至有深黃朋友因為便宜係用大米，係呢幾個月我極力游說佢先轉用Apple。
第二，個 App store又係另一個無掩雞籠。雖然Google同Apple都有檢查機制，但實際依然係危機四伏。同時，大部份危險App都唔會鑿住危險兩隻字，而且，好多人裝App根本就無考慮過安全性——你睇有多幾人會為佐玩埋啲Facebook無聊心理測驗而俾人攞晒啲個人資料就知。
第三，有時啲App你裝既時候係無問題，但係更新佐之後變成有問題……有啲公司係會收購啲多人用既App然後改到有問題。仲有，寫App好多時你係唔會揼晒所有code，一定會用其他人寫落既Code，寫App既人本身無稔過做衰嘢，但係其他code有問題，都一樣會出事。
所謂有問題既App 或者電話，佢哋有唔同方法偷睇偷聽你做緊乜，甚至操控你部電話。當然我哋可以睇下有冇唔尋常既活動發現佢哋（例如有冇用太多數據啊，太多容量之類），但係亦都有好多方法可以不知不覺咁偷偷活動，例如玩電腦遊戲本身就要用多數據佔據多容量，其實真係防不勝防。況且，用家其實好少會得閒check下啲用量。
吖，我都仲未講大家成日聽到啲安全漏洞啊，病毒木馬程式呢，你估啲hacker係流架？
當然上述既問題都有方法去處理，但係你點知寫App裝App既人有冇跟足先？
